El Franco ou O Franco é un concello de Asturias. Limita ao norte co mar Cantábrico, ao sur con Castropol e Boal, ao leste con Coaña e ao oeste con Tapia de Casarego. O concello cobre unha superficie de 71 km² e contaba cun total 4.101 habitantes no ano 2005, o que dá unha densidade de poboación de 57,76 h/km². Este concello galegofalante é considerado tradicionalmente como un dos 48 concellos da Galicia estremeira. O xentilicio eonaviego é «franquíu».